NBT mutaxassislari va jalb etilgan ekspertlar Buxoro viloyati G’ijduvon tumanining shimoli-sharqida umumiy quvvati 400 MVt bo’lgan birinchi gibrid quyosh va shamol elektr stansiyasini qurish bo’yicha Voltalia loyihasini amalga oshirish doirasida 2024-yil 14-maydan boshlab loyiha hududida bioxilma-xillikni uzoq muddatli tadqiq qilishmoqda. O’simlik va hayvonot dunyosi bo’yicha tadqiqotlar olib borilmoqda, shu jumladan hududda yashovchi qushlar, sudralib yuruvchilar va sutemizuvchilarni aniqlash olib borilmoqda. Zamonaviy mobil detektorlardan foydalangan holda, loyiha hududida yashovchi ko’rshapalaklar turlari, ularning kechki va tungi hayot faoliyati o’rganilmoqda. Loyiha hududida statsionar foto tuzoqlari va boshqa tadqiqot uskunalari o’rnatilgan. Ushbu tadqiqotlar natijalari muhim ekologik ahamiyatga ega bo’lgan mintaqaning atrof-muhitga va biologik xilma-xillikka salbiy ta’sirini kamaytiradigan yoki yo’q qiladigan shamol stansiyasi loyihasini ishlab chiqishga imkon beradi.