11-12 sentabr kunlari Qoraqalpog‘istonda suv ta’minoti va kanalizatsiya tizimini modernizatsiya qilish bo‘yicha yirik loyiha doirasida NBT Group mutaxassislari tomonidan jamoatchilik eshituvi turkumi o‘tkazildi.
Tashabbuskorlar: Osiyo Taraqqiyot Banki (OTB) va “O‘zsuvta’minot” AJ.
Loyiha mintaqa infratuzilmasining iqlim o‘zgarishlariga bardoshliligini oshirish va aholini toza ichimlik suvi bilan ta’minlashga qaratilgan.
Asosiy yo‘nalishlar:
• suv ta’minotining asosiy obyektlarini qurish va rekonstruksiya qilish;
• yangi tozalash va filtrlash inshootlarini barpo etish;
• nasos stansiyalari va rezervuarlarni modernizatsiya qilish;
• Qo’ng’irotdan Mo‘ynoqgacha 97 km uzunlikdagi yangi suv quvurini qurish, bu esa mintaqa ta’minot tizimini mustahkamlashga xizmat qiladi.
Eshituv jamoatchilik muhokamalarining dastlabki bosqichi bo‘lib, keyinchalik Qoraqalpog‘istonning boshqa hududlarida davom ettirildi. Bu esa mahalliy aholi va manfaatdor tomonlarning keng darajada jalb qilinishini ta’minladi.
NBT Group vakillari ta’kidlashicha, loyiha suv resurslarini boshqarishda yangi standartlarni belgilab, hokimiyat, biznes vakillari va jamiyat o‘rtasida barqaror hamkorlik modelini shakllantiradi.
