Nazar Business and Technology (NBT) va Alisher Navoiy nomidagi Toshkent Davlat O’zbek Tili va adabiyoti universiteti o’rtasidagi ikki tomonlama hamkorlik doirasida NBT jamoasi 12 mart kuni sotsiologiya fakultetining ikkinchi kurs talabalari uchun treningni o’tkazdi.
Treningda institut talabalari, NBT kompaniyasi , departamentlar ishi, ayniqsa sotsiologiya va jamoatchilik so’rovlari departamenti faoliyati bilan yaqindan tanishdilar. Bundan tashqari, talabalar Face to face va dala so’rovlari tizimlarini ham ko’rib chiqdilar. Dasturlash, anketani so’rovnomalar orqali to’ldirish va to’ldirilgan so’rovnomalarni serverga yuborish bo’yicha amaliy topshiriqlarni bajardilar, shuningdek, ushbu yo’nalishda o’zlarini qiziqtirgan barcha savollarni berish imkoniyatiga ham ega bo’ldilar. Shu bilan birga talabalar, kompaniyaning Call Centeriga tashrif buyurishdi, u yerda telefon orqali intervyu olish tartibini ko’rib chiqdilar va Call Center operatorlari bilan suhbatlashdilar.
Ushbu tashabbus talabalarning ko’nikmalarini yaxshilashga va so’rovlarning butun tsiklini o’tkazishdagi amaliy bilimlarni olishga qaratilgan.