Nazar Business and Technology kompaniyasi Yaponiya Iqtisodiy tadqiqotlar instituti, Yaponiya xalqaro hamkorlik agentligi (JICA) va Japan Uz savdo uyi kompaniyasi vakillarini qabul qilishdan mamnun bo’ldi.
Muhokama davomida NBT mutaxassislari kompaniya haqida taqdimot qilishdi va hamkasblari tomonidan chorvachilik va qishloq xo‘jaligi sohasida muvaffaqiyatli amalga oshirilayotgan loyihalar haqida ma’lumot berishdi. Shuningdek, kompaniya O‘zbekiston Respublikasida keng ko‘lamli ijtimoiy-iqtisodiy tadqiqotlarni amalga oshirish bo‘yicha o‘z tajribasi bilan o‘rtoqlashdi. Tomonlar “Chorvachilikning qiymat zanjiriga ko‘maklashish loyihasi” doirasidagi salohiyatli hamkorlikni muhokama qildilar. Ushbu loyihaning asosiy maqsadi fermerlarga moliyaviy va texnik yordam olish imkoniyatini berishdir.